satu kali gini pace yakobus de pu anak minta bikin de pu layang2. jadi pace yakobus karna sayang de pu anak skali jadi de bikin yang paling bagus sdh..
pace de bikin selesai trus de tulis nama di layang2 tuh OPM.
besok de pu anak main di depan rumah begini, tentara satu de lewat baru de bilang:
Tentara: woi anak kecil, ko kasturun ko layang2 skarang. apa yg ko tulis di ko pu layang2 tuh...
lansung pace yakobus datang baru blng
Pc yakobus: knapa2, sapa yang ganggu sa pu anak main de pu layang2
tentara: saya. ko tulis apa di layng2 tuh?
Pc yakobus: knapa. OPM.
tentara: ko tahu de pu kepanjangan toh?
Pc yakobus: tahu knapa. Kepanjangannya tuh, " Oktovianus Pu Mainan" knapa jadi?
Tentara: ???????
Pc yakobus: makanya tanya2.
Terimakasih anda telah membaca artikel tentang OPM. Jika ingin menduplikasi artikel ini diharapkan anda untuk mencantumkan link http://mobspapua.blogspot.com/2013/01/opm.html. Terimakasih atas perhatiannya.
