Ada satu orang anak. Suatu pagi dia dapa suruh sama de pu bapa, kalau ada de pu bapa pu kawan yang datang, suruh tunggu dan sekalian tolong dikasi air panasnya (maksudnya air minum).
Pace : "Obed, nanti kalo bapa pu kawan datang, kasi air panas ya?"
Obed : "Beres bapa..., jang khawatir, pasti sa kasi nanti..."
Selanjutnya pace pi mandi. Tra lama begini pace pu teman dua datang.
Pace pu teman : "Permisi... Obed... ko pu bapa ada?"
Obed : "Bapa lagi mandi,"
Tra pikir panjang lagi, Obed ke blakang ambil aer panas ke depan dan langsung disiram air panas ke pace pu teman itu. Dong dua lari sudah mo. Setelah selesai mandi, pace tanya:
"Obed, mana bapa pu teman, dong su datang kah?"
Obed: "Sudah, malah sa su kasi air panas mendidih di dong dua pu badan, yang satu orang kabur, satunya lagi pu badan melepuh-mlepuh,"
Pace : " Haaaa???"
